Kryeministri i vendit Ramush Haradinaj së bashku me kabineti e tij qeverisës kanë shkuar sot tek familja e të ndjerit Fadil Vokrri për ngushëllime.

Kryeministri Haradinaj i shprehu ngushëllime familjes Vokrri duke i uruar që ta kujtojnë vetëm për të mirë, shkruan arbresh.info.

“Ne emër të Qeverisë e ministrave ju shprehim ngushëllimet me te sinqerta. E kujtofshim për të mirë e me vizionin që e ka pas”, ka thënë Haradinaj.

Ndërkaq, zëvendëskryeministri i parë dhe ministri i Punëve të Jashtme, Behgjet Pacolli ka thënë se Vokrri ka qenë një njeri i mirë dhe se do ta kujtojnë gjithmonë me krenari.

Bashkë me Haradinajn e Pacollin ishin edhe ministrat Dhurata Hoxha e Uran Ismajli si dhe këshilltarë të kryeministrit Haradinaj./Arbresh.info

https://www.facebook.com/arbresh.info/videos/1816737341724683/